تبلیغات
آیاپیر (خرم سعیدی ) - شعر بختیاری - شعر فارسی - مطالب ابر شعر نو محلی لری بختیاری
 
آیاپیر (خرم سعیدی ) - شعر بختیاری - شعر فارسی
فرهنگ و ادبیات بختیاری
سه شنبه 27 آذر 1397 :: خرم سعیدی
" ویر خُو "

اُو دَمون کِه وِ نفس وَس چرای گُلِ تُو
مَلکمیتِ دنیا
تُونه اِز مُو وِ مِثِ گندم وُ کَه کِرده سَوا
دیر دَسا تُو بِرهدی بی مُو
مُو بِمندُم سَرِ سامُونِ جدایی اِز دَرد
آسمونِ دِلِ مُو مُردِ دیه
چادر اَندُو بِکشی وُر سَرِ مُو
افتوِ شادی مُو مَند پَسِ اَورِ سیا
گُلِ بَلگِ دلِ اِشکنده،پهیزی وابید
شَو وُ رُو هَی کُتَلِ اِی دِلِ مُو
جُوه آساره نِگارم کندُم
مُو لَتی پُوش هِدم مِن دِلِ خُوم
ویرِ تُو چی کُچُکِ مَنده تَه رُوی رَوون
بار وَنده مِنِ اِی مَزگِ دِلُم
بافه بافه گُلِ حرفات واویر
بُو اَوندول وُ کِلوس،مهر وُ بَفات
دلِ مُو جُورِ یَه کوگپور وِ دَو
اِتَپه یا فِر اِدِ سی تُو هَمس
چه کُنُم اِی شَوِ شَه
وَسه ما بینِ دوتا مُون بی داد
مُو اِنی هَی شَو وُ رُو
مَه وُ آساره شمارم بِی تو
تُو مُونه هِشتی وُ چی کوگِ دَری
پِر گُشیدی وُ اِخُونی مِنِ کُهسار خَش اُو دنیا
خَش وِ حالت کِه چُنُو
مِنِ اِی پَرده اَوریشُمِ خَو جا اِگِری
دَس مِله هَی اِزَنُم
مِنِ رُوخونه ویرت اَی گَو .
#خرم_سعیدی پاییز ۱۳۹۷
Ayapir2.ir
Telegram.me/khorram_saeedi




نوع مطلب :
برچسب ها : شعر نو محلی بختیاری، شعر نو محلی لری، شعر نو محلی لری بختیاری، خرم سعیدی، شعر خرم سعید، ویر خو،
لینک های مرتبط :
یکشنبه 5 آذر 1396 :: خرم سعیدی
"تمدار "
مِرزِنگ نَتُزگِنیدم وُ زِل زَیْدُم
شا وِشا آیْنه اَو،
وا کَرکِیت دِندون
تمدار گِژگُپ بَفتُم
مَه کِه وَی
ویرم رَه
هَرِکِه بهون دلِ
وا پَلِ رُو بُوَندم
تا وا تَئمِره نَقِلیپه مین گُورَوِ زَمونه

#خرم_سعیدی پاییز۹۶خورشیدی
Ayapir2.ir




نوع مطلب :
برچسب ها : خرم سعیدی، شعر خو محلی، شعر نو محلی بختیاری، شعر نو محلی لری بختیاری، تمدار،
لینک های مرتبط :





مدیر وبلاگ : خرم سعیدی
نویسندگان
نظرسنجی
نقد و بر رسی توسط بازدید کنندگان محترم








آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :