دوشنبه 16 اسفند 1395

گلستونی ولات

   نوشته شده توسط: خرم سعیدی    


« گلستونی ولات »

وُلاتِ خُوه ایما،چِه بی دٙنگِ وُ بی فٙنگ. وِ نُو گُل وٙنه وا نا وُ زٙنه میخک تری من تُرنه، سر اٙنگُستِ حٙنا بـنده هُو وا هٙر گُلِ پینه، سرِ هٙرِ چشمه وٙنه سا کِه تا اُو اٙوِ سٙردِس وِ گِلی پازن وُ کوگون بنشینه، بخوره تُر بِرسونه خُوسه وٍ رُو. هُو وارازنه خُوسِ جُورِ بٙهیگی کِه پُرِ فیسِ دُوا نازْ کٙشه بارِ هُنه هٙر شٙو وُ هٙر رُوی زٙمونه.
نٙیدی تُو دُوارته کِه گُل بٙلگِ دِرهدا، وِ جُورِ دٙفٙکی خٙیف وُ چی کوگِ نٙری باز اِبازن وُ اِخُونن یَ دُو بیتی وِ شُلیل وُ گُل گیس وُ غم یاریار،صداسون اِرٙسه گوشٍ کٙهو پیر،اِبُو هاچق وُ اِی جُمنه رکاوِ گُل اٙورا وُ گه گا اِغِرِمنه،مِثِ یَ نٙره پلنگی وِ مِن جنگ وُ اِریزه همه ی اٙوِ تیاسه سٙرِ هٙر کُول وُ کمر تا کِه رٙوون بُو دُو هزار چٙشمه یِ چی اٙوِ تیه پاک.
کُر مٙندیه کِر تُو وِ تـهِ وار وُ نٙدونی کِه سراپای ولات،پُرِ پُرس هِید گُل خٙش بُو کِه و ِ یاقوتن وُ فیروزه وُ گوهر، اِگُهی پیر هنرمند،نِشونده کُلِ اُونُونه میونْ تاج لُری شاه،کِه عادل هِد وُ جاس هِید میون دلِ کُل مردم ایرون،یا یٙو تُو وِ سُوسٍه(۱) بِنیر گُل کِه اِسُوسه وُ چُنُو غُف اِزنه دٙر وِ جُور، مُور جلالی کِه جٙغلْ یٙلِ فضول رِیدنه اٙو وُرمِنِ لُنٙس،یا باز چُنُو بُوی اٙوندُول وُ کِلوسْ دل اِنٙوازه کِه اِگُوی تُو کِه هزار مٙقلِ پُر تٙش بِوٙنی فِنج وُ بِریزه بـٙن وُ کازُل وِ منِ دشت.
تُو مٙه نِه بِنه کِه وِ خجالت اِگُرُوسه مِنِ اٙورا وِ وٙرِ کُه کِه هُو، جُورِ لِوینه سٙر وُ ریس آرد گِریده وُ شِور جُورِ پٙلِ زال،نهاده وِ سٙرس بٙرفِ چه کافور. بِنیر کُه چه بُلنده وُ مِثِ پٙل مٙنیجه خُو دراره هُو یکیسِه وِ منه چه،هُو چُنُونه کی اِگُوی رُسٙمِ دٙورون سٙرس رٙهده مِنِ اٙور وُ اِجٙرنه لٙوِ شٙونه وِ مِنِ کُلِ ولاتای خُوه لُر،یٙو باز بنه باندیل اِز هُوبٙره تا غازغلونگی کِه وِ دیر وٙیدِنه سی دیدنه رِیِ وِ بهشت خُوترِ اِی کُه وُ ولاتِ لُرِ ایرون.
نی رِه مُو وِ ویرم ریِ گلرنگ همه کُهنه ولاتا کِه اٙوس گُلِ گُلاوه وُ حتا خار بیاوون هُو زنجیر کُنه پای دل وُ بٙنده مِنِ شٙو،مثْ بیجن وُ اُو چه وُ تُو دُونی کِه لُرون هاچقِ کٙد بٙسه یِ اِی کُهنه ولاتن،مِهرس منِ جُونسون همه جا لُونه کُنه جُورِ گِرفگاری اُو کُرِ لٙلر یا کِه هٙمو شُون وُ گُلٍ گیسِ کِه دُونی....
(۱) سوسه= تلفظ نام سوسن در زبان مردم محلی

#خُرم_سعیدی زمستان۹۵ خورشیدی


برچسب ها: خرم سعیدی ، بحر طویل لری ،

What do eccentric heel drops do?
دوشنبه 16 مرداد 1396 10:29 ب.ظ
What's up to every , since I am genuinely keen of reading this webpage's post to be updated regularly.
It carries nice information.
Anglea
دوشنبه 25 اردیبهشت 1396 04:43 ب.ظ
Wow! At last I got a website from where I be able to genuinely obtain valuable information regarding my study
and knowledge.
BHW
جمعه 11 فروردین 1396 09:53 ب.ظ
This is a topic that is close to my heart... Cheers! Exactly where are your contact details though?
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.